Kommuneqarfik Sermersooq

Kommunalbestyrelsip ataatsimiittarfiani unnuk kulturisiorfik allaanerusoq aggerlutit misigiartoruk! 

Silent Discomut qaaqqusivugut, peqataasut kommunalbestyrelsip ataatsimiittarfiani tusarnaarutinik ledningitaqanngitsunik atorlutik qitissinnaapput.  

Tamatuma saniatigut »Ulloq Ataaseq Borgmesteriuneq« misilinneqarsinnaavoq, tassani borgmesterip issiavianut ingittoqarsinnaavoq oqaaseqatigiillu nangillugu: “Borgmesteriugaluaruma ima iliussagaluarpunga,…”  

Qassinilluunniit ukiulinnut sammisassaqartitsineq nuannersoq, pisortatiguunngitsoq ammasorlu. Kikkunnut tamanut iserneq akeqanngilaq aamma peqataaniarluni nalunaarnissaq pisariaqarani.